Академия қызметі

Ахмет Байтұрсынұлы Білім Академиясы – мемлекеттік және қоғамдық, ғылыми мекемелермен еркін жұмыс жасайтын тәуелсіз платформа.

Академияның басты мақсаты – ұлттық педагогикамыздың тарихи, мәдени әрі рухани аспектілерін және білім берудің заманауи жетістіктерін ұштастыра отырып, еліміздің білім беру саласын дамытуға үлес қосу.

Ұлт ұстазы Ахмет Байтұрсынұлының: «Оқу-тәрбие ісі түзелмей, жұрт ісі түзелмейді» деген маңызды үндеуін ұран еткен А.Байтұрсынұлы Білім академиясы негізгі 5 бағыт бойынша жұмыс істейді:

• Біліктілік арттыру курстары;
• Тіл үйрету;
• Гранттық жобаларға қатысу;
• Латын графикасы негізіндегі жаңа қазақ әліпбиін үйрету;
• Қоғамдық, ғылыми т.б. іс-шараларды ұйымдастыру.

Аталған бағыттар бойынша нақты мақсат-міндеттер жолға қойылып, жүзеге асырылуда:

• Орта білім саласына қатысты заманауи курстар базасын қалыптастыру;
• Латын графикасын оқыту механизмін дамыту;
• Қазақ тілін оқытуда заманауи технологияларды қолдану жолдарын ұсыну;
• Педагог қызметкерлердің кәсіби құзіреттілігін арттыру;
• Ғылыми институттармен бірлесе теориялық және тәжірибелік жұмыстарды ұштастыру;
• Халықаралық байланыстар орнату және тәжірибе алмасу.

А.Байтұрсынұлы Білім Академиясы оқыту ісінде өз орнын қалдырған ғылым докторлары, тәжірибелі әдіскер-тренерлер және талапты да ізденімпаз жас мамандарды тарту арқылы түрлі ауқымдағы жобаларды атқарады.